Wednesday, April 10, 2013

கோஸ் கேரட் பொரியல்


பரிமாறும் அளவு - 3 நபருக்கு

தேவையான பொருள்கள் -
  1. முட்டைக் கோஸ் - ஒரு கப்
  2. கேரட் - ஒரு கப்
  3. தேங்காய் துருவல் - 3 மேஜைக்கரண்டி
  4. துவரம் பருப்பு - 3 மேஜைக்கரண்டி
  5. மிளகாய் தூள் -1/2 தேக்கரண்டி
  6. மஞ்சள் தூள் -1/2 தேக்கரண்டி 
  7. உப்பு - தேவையான அளவு                
தாளிக்க -
  1. கடுகு - 1 தேக்கரண்டி
  2. உளுந்தம் பருப்பு -1/2 தேக்கரண்டி
  3. பெரிய வெங்காயம் - 1 (சிறியது )
  4. கறிவேப்பிலை - சிறிது
  5. எண்ணெய் - 3 மேஜைக்கரண்டி                  
செய்முறை -
  1. குக்கரில் துவரம் பருப்பு மற்றும் மூழ்கும் அளவு தண்ணீர் சேர்த்து 3 விசில் வரும் வரை வேக வைத்து கொள்ளவும். முட்டைக் கோசை பொடிதாக நறுக்கிக் கொள்ளவும். கேரட்டை துருவியில் துருவிக் கொள்ளவும். வெங்காயத்தை சிறியதாக நறுக்கி கொள்ளவும்.
  2. அடுப்பில் கடாயை வைத்து எண்ணெய் ஊற்றி சூடானதும் கடுகு போட்டு தாளிக்கவும். பின்  உளுந்தம் பருப்பு, கறிவேப்பில்லை ஆகியவற்றை ஒவ்வொன்றாக போட்டு தாளித்து பின் வெங்காயத்தை போட்டு பொன்னிறமாகும் வரை வதக்கவும். 
  3. அடுப்பை சிம்மில் வைத்து கோஸ், கேரட், உப்பு, மஞ்சள் தூள் ஆகியவற்றை சேர்த்து வதக்கவும். சிறிது தண்ணீர் தெளித்து 15 நிமிடங்கள் வரை நன்கு வதக்கவும்.                      
  4. அதன்பின் மிளகாய்த்தூள் போட்டு 1 நிமிடம் வரை வதக்கி இறுதியில் தேங்காய்துருவல், அவித்த பருப்பு போட்டு கிளறி அடுப்பிலிருந்து இறக்கி விடவும். கோஸ் கேரட் பொரியல் ரெடி.

No comments:

Post a Comment

Related Posts Plugin for WordPress, Blogger...