Saturday, April 13, 2013

உளுந்து வடை


பரிமாறும் அளவு - 2 நபருக்கு

தேவையான பொருள்கள் -
  1. தோல் உளுந்து அல்லது முழு உளுந்து - 1 கப்
  2. பச்சை மிளகாய் - 2
  3. சின்ன வெங்காயம் - 10
  4. கறிவேப்பிலை - சிறிது
  5. காயம் - ஒரு சிட்டிகை
  6. உப்பு - தேவையான அளவு
  7. எண்ணெய் - பொரிப்பதற்கு தேவையான அளவு
செய்முறை -
  1. தோல் உளுந்தை 5 மணி நேரம் ஊற வைத்து தோலை நீக்கி விட்டு தண்ணீரை நன்கு வடித்து வைத்துக் கொள்ளவும். முழு உளுந்தை உபயோகப்படுத்தினால் அதை 1 மணி நேரம் ஊற வைத்து நன்றாக கழுவி தண்ணீரை நன்கு வடித்து வைத்துக் கொள்ளவும்.
  2. வெங்காயம், மிளகாய், கறிவேப்பிலை எல்லாவற்றையும் சிறியதாக நறுக்கி வைக்கவும்.
  3. உளுந்துடன் காயம், உப்பு சேர்த்து தண்ணீர் சேர்க்காமல் கிரைண்டரில் போட்டு 20 நிமிடங்கள் வரை அரைத்து எடுத்து வைக்கவும். தேவைப்பட்டால் சிறிதளவு மட்டுமே தண்ணீர் சேர்த்து அரைக்கவும்.
  4. அரைத்த மாவோடு நறுக்கிய வெங்காயம், மிளகாய், கறிவேப்பிலையை சேர்த்து நன்கு பிசைந்து வைத்துக் கொள்ளவும்.
  5. அடுப்பில் கடாயை வைத்து எண்ணெய் ஊற்றி சூடாக்கவும். கையை தண்ணீரில் நனைத்து மாவை ஒரு எலுமிச்சம் பழம் அளவு எடுத்து கையில் வைத்து தட்டி நடுவில் ஒரு துவாரம் போட்டு எண்ணெயில் போட்டு பொரிக்கவும்.
  6. அல்லது வாழை இலை/ பிளாஸ்டிக் கவரில் எண்ணையை லேசாக தடவி வடைகளை தட்டி ரெடி பண்ணி வைத்துக்கொள்ளவும். எண்ணெய் சூடானதும் ஒவ்வொரு வடையாக எடுத்து போடவும்.
  7. இரு புறமும் திருப்பி போட்டு நன்கு சிவந்தவுடன் எடுத்து டிஸ்யூ பேப்பரில் உலர விடவும். மிதமான சூட்டில் வைத்து வடைகளை சுட்டெடுக்கவும்.

5 comments:

  1. உளுந்து வடை சூப்பர், தோழி ஒருவர் உளுந்து வடை சரியாக வரலைன்னு சொன்னாங்க,உங்க பக்கத்தை அனுப்பி வைத்தேன்.

    ReplyDelete
  2. எனது பக்கத்தை உங்கள் தோழிக்கு அனுப்பி வைத்தது குறித்து மிக்க மகிழ்ச்சி ஆசியா.

    ReplyDelete
  3. அழகான அருமையான செய்முறை அக்கா
    வாழ்த்துக்கள்

    ReplyDelete

Related Posts Plugin for WordPress, Blogger...