 |
தேவையான பொருள்கள் -
- மல்லித் தழை - 2 கப்
- மிளகாய் வத்தல் - 2
- புளி - நெல்லிக்காய் அளவு
- பூண்டுப் பல் - 3
- தேங்காய் துருவல் - 3 மேஜைக்கரண்டி
- உப்பு - தேவையான அளவு
- கறிவேப்பிலை - சிறிது
- எண்ணெய் - 3 மேஜைக்கரண்டி
- கடுகு - 1 தேக்கரண்டி
- உளுந்தம் பருப்பு - 1 தேக்கரண்டி
- கறிவேப்பில்லை - சிறிது
- அடுப்பில் கடாயை வைத்து சூடானதும் ஒரு தேக்கரண்டி எண்ணெய் ஊற்றி மல்லித் தழையை சிம்மில் வைத்து வதக்கவும். லேசாக வதக்கி மல்லி சுருங்கியதும் இறக்கி விடவும்.
- வதக்கிய மல்லித் தழையுடன் அரைக்க கொடுத்தவற்றை சேர்த்து மிக்ஸ்சியில் போட்டு ஒரு சுற்று சுற்றி விட்டு பின்னர் சிறிது தண்ணீர் தெளித்து அரைத்து எடுக்கவும்.
- அதே கடாயில் 2 மேஜைக்கரண்டி எண்ணெய் ஊற்றி சூடானதும் கடுகு போட்டு தாளிக்கவும். கடுகு வெடித்ததும் உளுந்தம் பருப்பு, கறிவேப்பில்லை சேர்த்து தாளித்து துவையலுடன் சேர்க்கவும்.
- சுவையான கொத்தமல்லித் துவையல் ரெடி. இது இட்லி, தோசை, தயிர் சாதத்துடன் சேர்த்து சாப்பிட நன்றாக இருக்கும்.
மல்லித்துவையலில் பூண்டு சேர்த்து அரைத்ததில்லை.. செய்துபார்க்கிறேன். பகிர்வுக்கு நன்றி மேடம்.
ReplyDeleteவித்யாசமான செய்முறையா இருக்குங்க...நானும் //மல்லித்துவையலில் பூண்டு சேர்த்து அரைத்ததில்லை..// :) செய்து பார்த்து சொல்கிறேன்!
ReplyDeleteமல்லித் துவையல் செய்முறை வேறு மாதிரி இருக்கிறது.
ReplyDeleteஉங்கள் செய்முறைபடி செய்து பார்க்கிறேன்.