Wednesday, May 24, 2017

ராகி பூரி / Ragi Poori


பரிமாறும் அளவு - 2 நபருக்கு

தேவையான பொருள்கள் -
  1. ராகி மாவு - 1/2 கப் 
  2. கோதுமை மாவு - 1/2 கப் 
  3. எண்ணெய் - 1 மேஜைக்கரண்டி 
  4. லேசாக சூடு படுத்திய தண்ணீர் - 1/2 கப் 
  5. உப்பு - தேவையான அளவு 
  6. சுடுவதற்கு எண்ணெய் - தேவையான அளவு 
செய்முறை -
  1. ஒரு வாயகன்ற பாத்திரத்தில் ராகி மாவு, கோதுமை மாவு, ஒரு மேஜைக்கரண்டி எண்ணெய், உப்பு எல்லாவற்றையும் நன்றாக கலந்து அதில் சிறிது சிறிதாக லேசாக சூடு படுத்திய தண்ணீரை ஊற்றி ஓரளவு கெட்டியாக பிசைந்து அரை மணி நேரம் ஊறவைக்கவும்.
  2. அரை மணி நேரம் கழித்து மீண்டும் ஒரு தடவை பிசைந்து சிறு சிறு உருண்டைகளாக உருட்டி பூரிக்கட்டையில் வைத்து வட்டமாக தேய்த்து வைக்கவும்.
  3. அடுப்பில் கடாயயை வைத்து தேவையான அளவு எண்ணெய் ஊற்றி சூடானதும் அடுப்பை மிதமான சூட்டில் வைத்து பூரிகளை ஒவொன்றாக போட்டு எடுக்கவும்.
  4. இருபுறமும் பொன்னிறமானவுடன் எடுத்து விடவும். சுவையான ராகி பூரி ரெடி.
குறிப்புகள் -
  1. எண்ணெய் நல்ல சூடாக இருக்க வேண்டும். எண்ணெய் சூடாகும் முன் பூரியைப் போட்டால் உப்பி வராது.
  2. மாவை பிசைந்து அதிக நேரம் வைத்தால் எண்ணெயை அதிகமாக உறிஞ்சி விடும்.

Tuesday, May 9, 2017

வெஜ் புலாவ் / Veg Pulao


பரிமாறும் அளவு - 2 நபருக்கு

தேவையான பொருள்கள் -
  1. பாஸ்மதி அரிசி - 1 கப் 
  2. பிரஷ் பட்டாணி - 50 கிராம் 
  3. காலிபிளவர் - 50 கிராம் 
  4. கேரட் - 50 கிராம் 
  5. பீன்ஸ் - 50 கிராம் 
  6. பச்சை மிளகாய் - 3
  7. தக்காளி - 1
  8. இஞ்சி பூண்டு விழுது - 1 மேஜைக்கரண்டி 
  9. தேங்காய் பால் - 1 கப் 
  10. மல்லித்தழை - சிறிது 
  11. உப்பு - தேவையான அளவு 
தாளிக்க -
  1. எண்ணெய் - 2 மேஜைக்கரண்டி 
  2. நெய் - 2 மேஜைக்கரண்டி 
  3. பட்டை - 1 இன்ச் அளவு 
  4. கிராம்பு - 2
  5. பெரிய வெங்காயம் - 1
செய்முறை -
  1. பாஸ்மதி அரிசியை தண்ணீரில் 15 நிமிடம் ஊறவைக்கவும். காலிபிளவர், கேரட், பீன்ஸ், தக்காளி எல்லாவற்றையும் நறுக்கி வைக்கவும். பச்சை மிளகாயை இரண்டாக கீறி வைக்கவும்.
  2. அடுப்பில் குக்கரை வைத்து எண்ணெய், நெய் ஊற்றி சூடானதும் பட்டை, கிராம்பு போடவும். பட்டை பொன்னிறமானதும் வெங்காயம், பச்சை மிளகாய் சேர்த்து வதக்கவும்.
  3. வெங்காயம் பொன்னிறமானதும் இஞ்சி பூண்டு விழுது சேர்த்து வதக்கவும். பச்சை வாடை போனதும் தக்காளி சேர்த்து வதக்கவும். தக்காளி நன்கு வதங்கியதும் மல்லித்தழை சேர்த்து வதக்கவும்.
  4. பிறகு அதனுடன் பட்டாணி, நறுக்கி வைத்துள்ள காலிபிளவர், கேரட், பீன்ஸ் எல்லாவற்றையும் சேர்த்து ஒரு நிமிடம் கிளறி ஒரு கப் தேங்காய் பால்,  2 கப் தண்ணீர்,  மற்றும் உப்பு, சேர்க்கவும். கொதிக்க ஆரம்பித்தவுடன் ஊற வைத்துள்ள அரிசியை சேர்த்து மூடவும்.
  5. நீராவி வந்ததும் வெயிட் போட்டு 2 விசில் வந்ததும் அடுப்பை அணைக்கவும். நீராவி அடங்கியதும் மூடியை திறந்து நன்றாக கிளறி அடுப்பை அணைக்கவும் சுவையான வெஜ் புலாவ் ரெடி.

Monday, May 1, 2017

பொட்டுக்கடலை சட்னி / பொரி கடலை சட்னி / Fried Gram Chutney


பரிமாறும் அளவு - 2 நபருக்கு

தேவையான பொருள்கள் -
  1. பொட்டுக்கடலை - 1/2 கப் 
  2. தேங்காய் துருவல் - 1/2 கப் 
  3. மிளகாய் வத்தல் - 2
  4. பெரிய வெங்காயம் - 1
  5. தக்காளி - 1
  6. இஞ்சி - ஒரு சிறிய துண்டு 
  7. பூண்டுப்பல் - 2 
  8. உப்பு - தேவையான அளவு 
தாளிக்க -
  1. நல்லெண்ணெய் - 3 மேஜைக்கரண்டி 
  2. கடுகு - 1 தேக்கரண்டி 
  3. கறிவேப்பிலை - சிறிது 
செய்முறை -
  1. வெங்காயம், தக்காளி இரண்டையும் நறுக்கி வைக்கவும். இஞ்சி, பூண்டு இரண்டையும் வெட்டி வைக்கவும்.
  2. அடுப்பில் கடாயை வைத்து ஒரு மேஜைக்கரண்டி எண்ணெய் ஊற்றி சூடானதும் வெங்காயத்தை போட்டு வதக்கவும். வெங்காயம் வதங்கியதும் இஞ்சி, பூண்டு சேர்த்து வதக்கவும். இஞ்சி, பூண்டு வதங்கியதும் தக்காளி சேர்த்து வதக்கவும். 
  3. தக்காளி வதங்கியதும் பொட்டுக்கடலை, தேங்காய் துருவல், மிளகாய் வத்தல் சேர்த்து நன்கு வதக்கவும்.
  4. நன்கு வதங்கியதும் சிறிது நேரம் ஆறவிடவும். ஆறிய பிறகு உப்பு சேர்த்து மிக்சியில் அரைக்கவும்.
  5. அடுப்பில் கடாயை வைத்து மீதமுள்ள 2 மேஜைக்கரண்டி நல்லெண்ணெய் ஊற்றி சூடானதும் கடுகு போடவும். கடுகு வெடித்தவுடன் கறிவேப்பிலை சேர்த்து தாளித்து சட்னியில் ஊற்றி நன்றாக கலக்கி விடவும். சுவையான பொட்டுக்கடலை சட்னி ரெடி.

Wednesday, April 19, 2017

ஹெல்த் கேர் பத்திரிக்கையில் என்னுடைய கதம்ப பொரியல் ரெசிபி !

   


ஏப்ரல் 2017 ஹெல்த் கேர் மாத இதழ் பத்திரிக்கையில் என்னுடைய கதம்ப பொரியல் ரெசிபி வெளி வந்துள்ளது என்பதை மகிழ்ச்சியுடன் உங்கள் அனைவரிடம் தெரிவித்துக் கொள்கிறேன்.

கடந்த ஆறு  மாதங்களாக  என்னுடைய ரெசிபிகள் ஹெல்த் கேர் பத்திரிக்கையில் வந்து கொண்டிருக்கிறது.  கதம்ப பொரியல் ஆறாவது ரெசிபி ஆகும் என்பதையும் தெரிவித்துக் கொள்கிறேன்.

நன்றி
சாரதா 

Tuesday, April 18, 2017

பனீர் 65 / Paneer 65


பரிமாறும் அளவு - 2 நபருக்கு

தேவையான பொருள்கள் -
  1. பனீர் - 100 கிராம் 
  2. மைதாமாவு - 2 மேஜைக்கரண்டி 
  3. சோளமாவு - 1 மேஜைக்கரண்டி 
  4. தயிர் - 1 மேஜைக்கரண்டி 
  5. இஞ்சி பூண்டு விழுது - 1 தேக்கரண்டி 
  6. சிவப்பு மிளகாய் தூள் - 1 மேஜைக்கரண்டி 
  7. கரம் மசாலா தூள் - 1/2 தேக்கரண்டி 
  8. லெமன் ஜூஸ் - 1 மேஜைக்கரண்டி 
  9. உப்பு - தேவையான அளவு 
  10. பொரிப்பதற்கு எண்ணெய் - தேவையான அளவு 
செய்முறை -
  1. பனீரை சிறு துண்டுகளாக வெட்டி வைக்கவும். ஒரு வாயகன்ற பாத்திரத்தில் மைதாமாவு, சோளமாவு, தயிர், இஞ்சி பூண்டு விழுது, சிவப்பு மிளகாய் தூள், கரம் மசாலா தூள், லெமன் ஜூஸ், உப்பு எல்லாவற்றையும் ஒன்றாக கலந்து இட்லி மாவு பதத்திற்கு கரைத்துக்கொள்ளவும்.
  2. பிறகு பனீர் துண்டுகளை டிப் பண்ணி வைக்கவும். அடுப்பில் கடாயை வைத்து தேவையான அளவு எண்ணெய் ஊற்றி சூடானதும் கடாய் கொள்ளும் அளவுக்கு பனீர் துண்டுகளை போடவும்.
  3. ஒரு புறம் வெந்ததும் மறுபுறம் திருப்பி போடவும். இருபுறமும் வெந்ததும் எடுத்து விடவும். சுவையான பனீர் 65 ரெடி.

Friday, April 7, 2017

காளான் குழம்பு - 2 / Mushroom Gravy - 2


பரிமாறும் அளவு - 2 நபருக்கு

தேவையான பொருள்கள் -
  1. காளான் - 200 கிராம் 
  2. தக்காளி - 1
  3. மிளகாய் தூள் - 2 தேக்கரண்டி 
  4. மல்லித்தூள் - 2 மேஜைக்கரண்டி 
  5. சீரகத்தூள் - 1 தேக்கரண்டி 
  6. மஞ்சள் தூள் - 1/2 தேக்கரண்டி 
  7. இஞ்சி பூண்டு விழுது - 1 தேக்கரண்டி 
  8. மல்லித்தழை - சிறிது 
  9. உப்பு - தேவையான அளவு 
அரைக்க -
  1. தேங்காய் துருவல் - 1/4 கப் 
தாளிக்க -
  1. எண்ணெய் - 3 மேஜைக்கரண்டி 
  2. பட்டை - ஒரு இன்ச் அளவு 
  3. கிராம்பு - 2
  4. பெரிய வெங்காயம் - 1
  5. கறிவேப்பிலை - சிறிது 
செய்முறை -
  1. முதலில் காளானை நன்றாக கழுவி வெட்டி வைக்கவும். தக்காளி, வெங்காயம் இரண்டையும் நறுக்கி வைக்கவும்.
  2. தேங்காய் துருவலை மிக்ஸியில் அரைத்து வைத்துக் கொள்ளவும்.
  3. அடுப்பில் கடாயை வைத்து எண்ணெய் ஊற்றி சூடானதும் பட்டை, கிராம்பு போடவும். பட்டை பொன்னிறமானதும் கறிவேப்பிலை, வெங்காயம் சேர்த்து வதக்கவும்.
  4. வெங்காயம் பொன்னிறமானதும் இஞ்சி பூண்டு விழுது சேர்த்து வதக்கவும். பச்சை வாடை போனதும் தக்காளி சேர்த்து வதக்கவும். தக்காளி வதங்கியதும் மிளகாய் தூள், மல்லித்தூள், சீரகத்தூள், மஞ்சள் தூள் சேர்த்து அடுப்பை சிம்மில் வைத்து ஒரு நிமிடம் கிளறி அதனுடன் காளானை சேர்த்து கிளறவும்.
  5. காளான் வதங்கியதும் ஒரு கப் தண்ணீரும், உப்பும் சேர்த்து அடுப்பை மிதமான சூட்டில் வைத்து மசாலா வாடை போகும் வரை கொதிக்க விடவும்.
  6. மசாலா வாடை அடங்கியதும் அரைத்து வைத்துள்ள தேங்காய் விழுதை சேர்த்து 5 நிமிடம் கொதிக்க விடவும். இறுதியில் மல்லித்தழை சேர்த்து அடுப்பை அணைக்கவும். சுவையான காளான் குழம்பு ரெடி. பூரி, சப்பாத்தி, சாதத்துடன் சேர்த்து சாப்பிட நன்றாக இருக்கும். 

Monday, March 27, 2017

தேங்காய் சட்னி - 2 / Coconut Chutney - 2


பரிமாறும் அளவு - 2 நபருக்கு

தேவையான பொருள்கள் -
  1. தேங்காய் துருவல் - 1/2 கப் 
  2. பச்சை மிளகாய் - 1
  3. இஞ்சி - ஒரு சிறிய துண்டு 
  4. சின்ன வெங்காயம் - 10
  5. மல்லித்தழை - சிறிது 
  6. உப்பு - தேவையான அளவு 
தாளிக்க -
  1. நல்லெண்ணெய் - 3 மேஜைக்கரண்டி 
  2. கடுகு - 1 தேக்கரண்டி 
  3. கறிவேப்பிலை - சிறிது 
செய்முறை -
  1. அடுப்பில் ஒரு கடாயை வைத்து ஒரு மேஜைக்கரண்டி எண்ணெய் ஊற்றி சூடானதும் வெங்காயம், பச்சை மிளகாய், இஞ்சி மூன்றையும் போட்டு வதக்கவும்.
  2. நன்கு வதங்கியதும் தேங்காய் துருவல், மல்லித்தழை இரண்டையும் சேர்த்து வதக்கி சிறிது நேரம் ஆறவிடவும். நன்கு ஆறியதும் உப்பு சேர்த்து மிக்ஸியில் அரைக்கவும்.
  3. அடுப்பில் கடாயை வைத்து எண்ணெய் ஊற்றி சூடானதும் கடுகு போடவும். கடுகு வெடித்தவுடன் கறிவேப்பிலை சேர்த்து சட்னியில் ஊற்றி நன்றாக கலக்கி விடவும். சுவையான தேங்காய் சட்னி ரெடி.

Thursday, March 23, 2017

பனீர் கட்லெட் / Paneer Cutlet


தேவையான பொருள்கள் -

  1. பனீர் - 100 கிராம் 
  2. உருளைக்கிழங்கு - 1
  3. பெரிய வெங்காயம் - 1
  4. பச்சை மிளகாய் - 1
  5. மல்லித்தழை - சிறிது 
  6. பிரட் தூள் - 1/2 கப் 
  7. இஞ்சி பூண்டு விழுது - 1 தேக்கரண்டி 
  8. மிளகுத்தூள் - 1 தேக்கரண்டி 
  9. மஞ்சள் தூள் - 1/2 தேக்கரண்டி 
  10. உப்பு - தேவையான அளவு 
  11. எண்ணெய் - தேவையான அளவு
செய்முறை -

  1. பனீரை துருவிக்கொள்ளவும். வெங்காயம், மல்லித்தழை பச்சை மிளகாய் மூன்றையும் பொடிதாக  நறுக்கி வைக்கவும். உருளைக்கிழங்கை தோலுரித்து மசித்துக்கொள்ளவும்.
  2. ஒரு வாயகன்ற பாத்திரத்தில் துருவி வைத்துள்ள பனீர், நறுக்கி வைத்துள்ள வெங்காயம், ,மல்லித்தழை, பச்சை மிளகாய்  மசித்து வைத்துள்ள உருளைக்கிழங்கு,இஞ்சி பூண்டு விழுது, மிளகுத்தூள், மஞ்சள் தூள், உப்பு சேர்த்து நன்றாக பிசைந்து வட்டமாக  தட்டி பிரட் தூளில் பிரட்டி வைக்கவும்.
  3.  ஒரு கடாயில் தேவையான அளவு எண்ணெய் ஊற்றி சூடானதும் கட்லெட்டுகளை போட்டு பொரித்தும் எடுக்கவும். இரு புறமும் நல்ல பொன்னிறமானதும் எடுத்து விடவும். எல்லா கட்லெட்களையும் இதே முறையில் செய்யவும். 
  4. இந்த அளவுக்கு 12 கட்லெட்கள் வரை வரும். சுவையான கட்லெட் ரெடி. தக்காளி சாஸுடன் பரிமாறவும்.
Related Posts Plugin for WordPress, Blogger...