நிலக்கடலை உருண்டை / Peanut Balls

சிறியவர்கள் முதல் பெரியவர்கள் வரை விரும்பி சாப்பிடும் நிலக்கடலை உருண்டை எப்படி செய்வதென்று பார்ப்போம் !

தேவையான பொருள்கள் -

1. வறுத்து தோலுரித்த நிலக்கடலை - 1 கப் 
2. பொடித்த அச்சுவெல்லம் - 1 கப் 
3. ஏலக்காய் தூள் - 1/4 தேக்கரண்டி 

செய்முறை - 

1. அடுப்பில் ஒரு வாயகன்ற பாத்திரத்தில் அச்சுவெல்லத்தோடு ஏலக்காய் தூளும்,  1/4 கப் தண்ணீரும் சேர்த்து  கொதிக்க விடவும். வெல்லம் கரைந்ததும் வடிகட்டி மீண்டும் அடுப்பில் வைத்து உருட்டு பதம் வரும் வரை பாகு காய்ச்சவும்.
2. காய்ச்சிய பாகு சூடாக இருக்கும் போதே நிலக்கடலையில் மேல் ஊற்றி ஒரு கரண்டி கொண்டு நன்றாக கலக்கி சிறிது நேரம் ஆற விடவும்.
3. ஆறிய பிறகு தண்ணீரில் கையை நனைத்து கொண்டு உருண்டை பிடிக்கவும். ஒவ்வொரு உருண்டைக்கும் தண்ணீரில் நனைத்து உருண்டைகள் பிடிக்கவும். ஒரு கப் நிலக்கடலைக்கு 10 உருண்டைகள் வரை வரும்.