Wednesday, April 23, 2014

வேர்க்கடலை சட்னி / Peanut chutney

பரிமாறும் அளவு - 2 நபருக்கு

தேவையான பொருள்கள் -
  1. பச்சை வேர்க்கடலை - 50 கிராம் 
  2. தேங்காய் துருவல் - 50 கிராம் 
  3. மிளகாய் வத்தல் - 1
  4. பச்சை மிளகாய் -1
  5. பூண்டுபல் - 2
  6. உப்பு - தேவையான அளவு                        
தாளிக்க -
  1. நல்லெண்ணெய் - 3 மேஜைக்கரண்டி 
  2. கடுகு - 1/2 தேக்கரண்டி 
  3. உளுந்தம் பருப்பு - 1/2 தேக்கரண்டி
  4. காயத்தூள் - சிறிது 
  5. கறிவேப்பில்லை - சிறிது 
செய்முறை -
  1. அடுப்பில் கடாயை வைத்து சூடானதும் வேர்க்கடலையை போட்டு வறுத்துக் கொள்ளவும். அடுப்பை அணைத்து விட்டு வேர்க்கடலையை சிறிது நேரம் ஆற விடவும்.                                
  2. ஆறியவுடன் தோலுரித்துக் கொள்ளவும்.            
  3. பிறகு அதனுடன் மிளகாய்வத்தல், பச்சைமிளகாய், தேங்காய்துருவல், பூண்டு, உப்பு எல்லாவற்றையும் ஒன்றாக சேர்த்து மிக்ஸ்சியில் தேவையான அளவு தண்ணீர் சேர்த்து அரைக்கவும்.                                         
  4. அடுப்பில் கடாயை வைத்து நல்லெண்ணெய் ஊற்றி சூடானவுடன் கடுகு போடவும். கடுகு வெடித்தவுடன் உளுந்தம்பருப்பு, காயத்தூள், கறிவேப்பிலை சேர்த்து தாளித்து சட்னியில் ஊற்றி கலக்கவும்.
  5. சுவையான வேர்க்கடலை சட்னி ரெடி. இட்லி,தோசையுடன் சேர்த்து சாப்பிடலாம்.

No comments:

Post a Comment

Related Posts Plugin for WordPress, Blogger...