தீபாவளி ஸ்பெஷல் !!!

Thursday, April 17, 2014

மாங்காய் பச்சடி / Mango pachadi

                     
பரிமாறும் அளவு - 2 நபருக்கு

தேவையான பொருள்கள் -
  1. மாங்காய் - 1
  2. சாம்பார் பொடி - 1 மேஜைக்கரண்டி 
  3. மஞ்சள்தூள் - 1/2 தேக்கரண்டி 
  4. சீனி ( சர்க்கரை ) - 2 மேஜைக்கரண்டி 
  5. உப்பு - தேவையான அளவு                         
அரைக்க -
  1. தேங்காய் துருவல் - 4 மேஜைக்கரண்டி 
தாளிக்க -
  1. நல்லெண்ணெய் - 3 மேஜைக்கரண்டி 
  2. கடுகு - 1/2 தேக்கரண்டி 
  3. வெங்காயம் - 1/4 பங்கு 
  4. கறிவேப்பிலை - சிறிது 
செய்முறை -
  1. முதலில் மாங்காயை தோல் சீவி சிறிய துண்டுகளாக நறுக்கி வைக்கவும்.
  2. அடுப்பில் கடாயை வைத்து மாங்காய் துண்டுகள் மற்றும் அது மூழ்கும் அளவுக்கு தண்ணீர் ஊற்றி வேக விடவும்.                                                    
  3. நன்கு வெந்தவுடன் மத்து அல்லது கரண்டி கொண்டு நன்றாக மசிக்கவும். தேவைப்பட்டால் சிறிது தண்ணீர் சேர்த்து சாம்பார்பொடி, மஞ்சள்தூள், உப்பு சேர்த்து  மிதமான சூட்டில் வைத்து கொதிக்க விடவும்.                                              
  4. மசாலா வாடை அடங்கியதும் அரைத்து வைத்துள்ள தேங்காய் விழுதை சேர்த்து அடுப்பை சிம்மில் வைத்து கெட்டியாகும் வரை வைத்திருக்கவும். 
  5. இறுதியில் சீனியை சேர்த்து நன்றாக கலக்கி அடுப்பை அணைக்கவும். பச்சடியை பாத்திரத்திற்கு மாற்றி விடவும்.                                            
  6. அடுப்பில் அதே கடாயை வைத்து நல்லெண்ணெய் ஊற்றி சூடானதும் கடுகு போடவும். கடுகு வெடித்தவுடன் கறிவேப்பிலை, வெங்காயம் சேர்த்து வதக்கவும். 
  7. வெங்காயம் பொன்னிறமானதும் பச்சடியில் ஊற்றி கலக்கி விடவும். சுவையான மாங்காய் பச்சடி ரெடி.                                                                                                          

1 comment:

  1. மாங்காய் பச்சடி செய்யனும் நினைச்சேன், நீங்களும் செய்துபோஸ்ட் செய்திருக்கீங்க.சூப்பர் கா.

    ReplyDelete

Related Posts Plugin for WordPress, Blogger...