தீபாவளி ஸ்பெஷல் !!!

Friday, April 25, 2014

மாங்காய் ஊறுகாய் / Mango Pickle

தேவையான பொருள்கள் -
  1. மாங்காய் - 3
  2. மிளகாய்த் தூள் - 3 மேஜைக்கரண்டி 
  3. காயத்தூள் - 1 தேக்கரண்டி 
  4. வெந்த்தயத் தூள் - 1 தேக்கரண்டி 
  5. கல் உப்பு - தேவையான அளவு                  
தாளிக்க -
  1. நல்லெண்ணெய் - 50 மில்லி 
  2. கடுகு - 2 தேக்கரண்டி 
செய்முறை -
  1.  முதலில் மாங்காய்களை நன்கு கழுவி துடைத்து பொடிதாக நறுக்கிக் கொள்ளவும்.
  2. ஒரு பிளாஸ்டிக் டப்பா அல்லது ஒரு ஜாடியில் போட்டு அதனுடன் தேவையான அளவு கல் உப்பு சேர்த்து மூன்று நாட்கள் வரை ஊற வைக்கவும்.        
  3. ஒரு நாளைக்கு இரண்டு அல்லது மூன்று தடவை நன்றாக குலுக்கி விடவும்.                           
  4. அடுப்பில் கடாயை வைத்து சூடானதும் மிளகாய்த் தூள், காயத்தூள், வெந்தயத்தூள் சேர்த்து  ஒரு நிமிடம் கிளறி அடுப்பை அணைக்கவும். அதை சிறிது நேரம் ஆற விடவும்.
  5. ஆறிய பிறகு மாங்காயோடு சேர்த்து ஒரு கரண்டியால் நன்றாக கலக்கவும்.
  6. இதை சேர்த்த பிறகு மறுபடி மூன்று நாள் ஊற வைக்கவும். அதே மாதிரி ஒரு நாளைக்கு இரண்டு அல்லது மூன்று தடவை குலுக்கி விடவும்.              
  7. பிறகு கடாயில் நல்லெண்ணெய் ஊற்றி சூடானதும் கடுகு போட்டு தாளிக்கவும். கடுகு வெடித்தவுடன் எடுத்து ஊறுகாயின் மேல் ஊற்றி நன்றாக கலக்கி ஒரு காற்றுப் புகாத பாட்டிலில் எடுத்து வைக்கவும். சுவையான மாங்காய் ஊறுகாய் ரெடி. தயிர் சாதத்துடன் சேர்த்து  சாப்பிடலாம்.                                            

1 comment:

  1. நாவூறும் மாங்காய் ஊறுகாய் , இங்கு நானும் அப்ப அப்ப பிரஷாக செய்து இரண்டே நாட்களில் முடித்துவிடுவோம்.

    ReplyDelete

Related Posts Plugin for WordPress, Blogger...