தேவையான பொருள்கள் -
- சௌசௌ - 1
- ப்ரெஷ் பட்டர் பீன்ஸ் - 100 கிராம்
- மிளகாய் தூள் - 1 தேக்கரண்டி
- மல்லித்தூள் - 1 மேஜைக்கரண்டி
- சீரகத்தூள் - 1 தேக்கரண்டி
- மஞ்சள் தூள் - 1/2 தேக்கரண்டி
- தக்காளி -1
- உப்பு - தேவையான அளவு
- தேங்காய் துருவல் - 4 மேஜைக்கரண்டி
- எண்ணெய் - 3 மேஜைக்கரண்டி
- கடுகு - 1/2 தேக்கரண்டி
- உளுந்தம்பருப்பு - 1/2 தேக்கரண்டி
- வெங்காயம் - 1/4 பங்கு
- கறிவேப்பிலை - சிறிது
- குக்கரில் பட்டர்பீன்ஸ் மூழ்கும் அளவுக்கு தண்ணீர் ஊற்றி அடுப்பில் வைக்கவும். நீராவி வந்ததும் வெயிட் போடவும். முதல் விசில் வந்தவுடன் அடுப்பை ஆப் பண்ணி விடவும். நீராவி அடங்கியதும் மூடியை திறந்து தண்ணீரை வடித்து சிறிது நேரம் ஆற விடவும்.
- ஆறிய பின் நீளவாக்கில் வெட்டி வைத்துக் கொள்ளவும். சௌசௌயையும் தோலுரித்து சிறிய துண்டுகளாக வெட்டி வைத்துக் கொள்ளவும்.
- வெங்காயம், தக்காளி இரண்டையும் வெட்டி வைக்கவும்.
- அடுப்பில் கடாயை வைத்து எண்ணெய் ஊற்றி சூடானதும் கடுகு, உளுந்தம் பருப்பு போட்டு தாளிக்கவும். கடுகு வெடித்தவுடன் கறிவேப்பிலை, வெங்காயம் சேர்த்து வதக்கவும்.
- வெங்காயம் பொன்னிறமானதும் தக்காளி சேர்த்து சுருள வதக்கி சௌசௌவை சேர்த்து ஒரு கை தண்ணீர் மற்றும் உப்பு சேர்த்து கிளறவும்.
- சௌசௌ வெந்தவுடன் மிளகாய்த்தூள், மல்லித்தூள், சீரகத்தூள், மஞ்சள்தூள் சேர்த்து கிளறவும்.
- ஒரு நிமிடம் கழித்து பட்டர்பீன்ஸ் மற்றும் 100 மில்லி தண்ணீர் சேர்த்து கொதிக்க விடவும்.
- மசாலா வாடை போனதும் அரைத்து வைத்துள்ள தேங்காய் விழுதை சேர்க்கவும்.
- கூட்டு கெட்டியானதும் அடுப்பிலிருந்து இறக்கி விடவும். சுவையான சௌசௌ பட்டர் பீன்ஸ் கூட்டு ரெடி.
ஆஹா ! சவ் சவ் பட்டர் பீன்ஸ் கூட்டு இப்பத்தான் கேள்விபடுறேன்.அருமையாக இருக்கு.
ReplyDelete