பரிமாறும் அளவு - 2 நபருக்கு
தேவையான பொருள்கள் -
- முட்டை -2
- தக்காளி - 1
- மிளகாய் தூள் - 1/2 தேக்க்கரண்டி
- மல்லித்தூள் - 2 மேஜைக்கரண்டி
- சீரகத்தூள் - 1 தேக்கரண்டி
- மஞ்சள்தூள் - 1/2 தேக்கரண்டி
- மிளகுத்தூள் - 1 தேக்கரண்டி
- இஞ்சி பூண்டு விழுது - 1 தேக்கரண்டி
- உப்பு - தேவையான அளவு
- மல்லித்தழை - 2 மேஜைக்கரண்டி
- எண்ணெய் - 3 மேஜைக்கரண்டி
- பட்டை - 1 இன்ச் அளவு
- கிராம்பு - 2
- பெரிய வெங்காயம் - 1
- கறிவேப்பிலை - சிறிது
- தேங்காய் துருவல் - 5 மேஜைக்கரண்டி
- முந்திரிப்பருப்பு - 5
- வெங்காயம், தக்காளி இரண்டையும் பொடிதாக நறுக்கி வைக்கவும். தேங்காய் துருவல், முந்திரிப்பருப்பு இரண்டையும் மிக்ஸ்சியில் அரைக்கவும்.
- அடுப்பில் ஒரு பாத்திரத்தை வைத்து முட்டை மற்றும் அது மூழ்கும் அளவுக்கு தண்ணீர் ஊற்றி கொதிக்க வைக்கவும். முட்டை வெந்ததும் அடுப்பை அணைக்கவும்.
- முட்டைகளை எடுத்து சிறிது நேரம் ஆறவிடவும். ஆறியதும் முட்டைகளின் ஓட்டை எடுத்து நான்காக கீறிக் கொள்ளவும்.
- அடுப்பில் கடாயை வைத்து எண்ணெய் ஊற்றி சூடானதும் பட்டை, கிராம்பு போடவும். பிறகு பொன்னிறமானதும் கறிவேப்பிலை, வெங்காயம் சேர்த்து வதக்கவும். வெங்காயம் பொன்னிறமானதும் நறுக்கி வைத்துள்ள தக்காளியை சேர்த்து வதக்கவும்.
- தக்காளி நன்கு சுருள வதங்கியதும் இஞ்சி பூண்டு விழுது சேர்த்து வதக்கவும். பச்சை வாடை போனதும் மிளகாய் தூள், மல்லித்தூள், சீரகத்தூள், மிளகுத்தூள், மஞ்சள் தூள் எல்லாவற்றையும் சேர்த்து ஒரு நிமிடம் கிளறவும்.
- பின்னர் 200 மில்லி தண்ணீர் மற்றும் உப்பு சேர்த்து கொதிக்க விடவும். மசாலா வாடை போகும் வரை நன்கு கொதிக்க விடவும்.
- மசாலா வாடை அடங்கியதும் அரைத்து வைத்துள்ள தேங்காய் விழுதை சேர்த்து அடுப்பை சிம்மில் வைத்து 5 நிமிடம் கொதிக்க விடவும்.
- குழம்பு கெட்டியானதும் அவித்து வைத்துள்ள முட்டை, மல்லித்தழை சேர்த்து அடுப்பை அணைக்கவும்.
- சுவையான முட்டை குழம்பு ரெடி. ப்ளைன் சாதம், பிரியாணி, பூரி, சப்பாத்தியுடன் பரிமாறலாம்.
Delicious and tempting egg gravy...
ReplyDeleteSuper
ReplyDelete