தேவையான பொருள்கள் -
- துவரம் பருப்பு - 50 கிராம்
- காயத்தூள் - 1/4 தேக்கரண்டி
- புளி - சிறிது
- தக்காளி - 1
- மஞ்சள் தூள் - 1/2 தேக்கரண்டி
- பூண்டுப்பல் - 5
- உப்பு - தேவையான அளவு
- கறிவேப்பிலை - சிறிது
- மல்லி இலை - சிறிது
- எண்ணெய் - 1 தேக்கரண்டி
- மிளகாய் வத்தல் - 1
- கொத்தமல்லி - 1 தேக்கரண்டி
- மிளகு - 1 தேக்கரண்டி
- சீரகம் - 1 தேக்கரண்டி
- துவரம்பருப்பு - 1 தேக்கரண்டி
- தேங்காய் துருவல் - 4 மேஜைக்கரண்டி
- நெய் - 1 மேஜைக்கரண்டி
- கடுகு - 1 தேக்கரண்டி
- முதலில் புளியை 300 மில்லி தண்ணீரில் கரைத்து வைக்கவும்.
- பருப்பை நன்றாக கழுவி அது மூழ்கும் அளவுக்கு தண்ணீர் ஊற்றி அதனுடன் காயத்தூள், மஞ்சள்தூள் சேர்த்து குக்கரில் வைத்து வேக வைத்துக் கொள்ளவும்.
- அடுப்பில் கடாயை வைத்து ஒரு சூடானதும் மிளகாய் வத்தல், கொத்தமல்லி, மிளகு, துவரம்பருப்பு, தேங்காய் துருவல், பூண்டுபல் எல்லாவற்றையும் போட்டு அடுப்பை சிம்மில் வைத்து லேசாக வறுத்து அடுப்பை அணைக்கவும்.
- சீரகத்தை வறுத்த பொருள்களோடு சேர்த்து கிளறி சிறிது நேரம் ஆற விடவும். ஆறிய பிறகு சிறிது தண்ணீர் சேர்த்து மிக்ஸ்சியில் கரகரப்பாக அரைத்துக் கொள்ளவும்.
- தக்காளியை பொடிதாக நறுக்கி வைக்கவும்.
- அடுப்பில் கடாயை வைத்து ஒரு தேக்கரண்டி எண்ணைய் ஊற்றி சூடானதும் தக்காளியை போட்டு நன்கு சுருள வதக்கவும். தக்காளி நன்கு வதங்கியதும் கரகரப்பாக அரைத்து வைத்துள்ள பொடி, உப்பு மற்றும் புளித்தண்ணீர் சேர்த்து கொதிக்க விடவும்.
- புளியின் பச்சை வாடை போனதும் அவித்து வைத்துள்ள பருப்பை நன்கு மசித்து சேர்க்கவும். பிறகு மல்லி இலை, கறிவேப்பிலை சேர்த்து இறக்கி விடவும்.
- அடுப்பில் கடாயை வைத்து நெய் ஊற்றி சூடானதும் கடுகு போட்டு தாளித்து ரசத்தில் ஊற்றி நன்றாக கலக்கி விடவும். சுவையான மைசூர் ரசம் ரெடி.
