தக்காளி கூட்டு / Tomato Curry

பரிமாறும் அளவு - 2 நபருக்கு

தேவையான பொருள்கள் -

1. தக்காளி - 5
2. சாம்பார் பொடி - 1 மேஜைக்கரண்டி 
3. மஞ்சள் தூள் - 1/2 தேக்கரண்டி 
4. உப்பு - தேவையான அளவு 
                                                                                   

அரைக்க -

1. தேங்காய் துருவல் - 50 கிராம் 

தாளிக்க -

1. எண்ணெய் - 3 மேஜைக்கரண்டி 
2. கடுகு - 1/2 தேக்கரண்டி 
3. உளுந்தம்பருப்பு - 1/2 தேக்கரண்டி 
4. பெரிய வெங்காயம் - 1
5. கறிவேப்பிலை - சிறிது 

செய்முறை -

1. தக்காளி, வெங்காயம் இரண்டையும் பொடிதாக வெட்டி வைக்கவும். தேங்காயை மிக்ஸ்சியில் அரைத்துக் கொள்ளவும்.
                                                                      
2. அடுப்பில் கடாயை வைத்து எண்ணெய் ஊற்றி சூடானதும் கடுகு, உளுந்தம்பருப்பு போட்டு தாளிக்கவும். கடுகு வெடித்தவுடன் கறிவேப்பிலை, வெங்காயம் சேர்த்து வதக்கவும்.
3. வெங்காயம் பொன்னிறமானதும் தக்காளி சேர்த்து வதக்கவும்.
                                                                          
4. தக்காளி நன்கு மசிந்ததும் அதனுடன் சாம்பார் பொடி, மஞ்சள் தூள், உப்பு சிறிது தண்ணீர் சேர்த்து கிளறவும் .
                                                                        
5. மசாலா வாடை அடங்கியதும் அரைத்து வைத்துள்ள தேங்காய் விழுதை சேர்க்கவும். 
                                                                                  
6. கூட்டு  கெட்டியானதும் அடுப்பை அணைத்து விட்டு பாத்திரத்திற்கு மாற்றி விடவும். சுவையான தக்காளி கூட்டு ரெடி. பூரி, சப்பாத்தி, சாம்பார் சாதத்துடன் சேர்த்து சாப்பிட சுவையாக இருக்கும்.