பீட்ரூட் பொரியல் / Beetroot Poriyal

பரிமாறும் அளவு - 2 நபருக்கு

தேவையான பொருள்கள் -

1. பீட்ரூட் - 150 கிராம் 
2. பாசிப்பருப்பு - 2 மேஜைக்கரண்டி 
3. தேங்காய் துருவல் - 2 மேஜைக்கரண்டி 
4. மஞ்சள் தூள் - 1/2 தேக்கரண்டி 
5. உப்பு - தேவையான அளவு 

தாளிக்க -

1. எண்ணெய் - 3 மேஜைக்கரண்டி 
2. கடுகு - 1/2 தேக்கரண்டி 
3. சின்ன வெங்காயம் - 10
4. பச்சை மிளகாய் - 2
5. கறிவேப்பிலை - சிறிது 

செய்முறை -

1. அடுப்பில் ஒரு பாத்திரத்தில் பாசிப்பருப்பு மூழ்கும் அளவுக்கு தண்ணீர் ஊற்றி வேக வைத்துக் கொள்ளவும்.
2. பீட்ரூட்டை நன்றாக கழுவி தோல் சீவி துருவியில் வைத்து துருவிக் கொள்ளவும். சின்ன வெங்காயத்தை நீள வாக்கில் நறுக்கி வைக்கவும். பச்சை மிளகாயை இரண்டாக கீறி வைக்கவும்.
3. அடுப்பில் கடாயை வைத்து எண்ணெய் ஊற்றி சூடானதும் கடுகு போடவும். கடுகு வெடித்தவுடன் கறிவேப்பிலை, பச்சை மிளகாய், வெங்காயம் சேர்த்து வதக்கவும்.
4. வெங்காயம் பொன்னிறமானதும் துருவி வைத்துள்ள பீட்ரூட், உப்பு, மஞ்சள் தூள் சேர்த்து வேகும் வரை நன்றாக கிளறி விடவும்.
   
5. நன்கு வெந்ததும் அவித்து வைத்துள்ள பாசிப்பருப்பு, தேங்காய் துருவல் இரண்டையும் சேர்த்து கிளறி அடுப்பை அணைக்கவும். சுவையான பீட்ரூட் பொரியல் ரெடி.