கத்தரிக்காய் வறுவல் / Brinjal Fry

பரிமாறும் அளவு - 2 நபருக்கு

தேவையான பொருள்கள் -

1. கத்தரிக்காய் - 6
2. மிளகாய் தூள் - 2 தேக்கரண்டி 
3. கடலை மாவு - 2 தேக்கரண்டி 
4. மஞ்சள் தூள் - 1/2 தேக்கரண்டி 
5. உப்பு - தேவையான அளவு 
6. எண்ணெய் - தேவையான அளவு
   

செய்முறை -

1. கத்தரிக்காய்களை வட்டவட்டமாக நறுக்கி தண்ணீரில் போட்டு வைக்கவும்.
2. பிறகு தண்ணீரை வடித்து விட்டு அதன் மேல் மிளகாய் தூள், கடலைமாவு, மஞ்சள் தூள், உப்பு எல்லாவற்றையும் சேர்த்து கத்தரிக்காயின் மேல் எல்லா இடங்களிலும் படும் படி நன்றாக கலந்து அரை மணி நேரம் ஊற வைக்கவும்.
3. அடுப்பில் தோசைக்கல்லை வைத்து எண்ணெய் தடவவும். கல் சூடானதும் அடுப்பை மிதமான சூட்டில் கத்தரிக்காய் துண்டுகளை பரப்பி வைத்து சுற்றிலும் எண்ணெய் விடவும். 2 நிமிடம் ஆனதும் திருப்பி போடவும்.
4. இருபுறமும் பொன்னிறமானதும் எடுத்து விடவும். மீதமுள்ள எல்லா கத்தரிக்காய் துண்டுகளையும் இதே முறையில் வறுத்து எடுக்கவும். சுவையான கத்தரிக்காய் வறுவல் ரெடி. சாம்பார் சாதம், தயிர் சாதம் சேர்த்து சாப்பிட நன்றாக இருக்கும்.