வேர்க்கடலை சுண்டல் / Peanut Sundal

                 
தேவையான பொருள்கள் -

1. பச்சை வேர்க்கடலை - 150 கிராம் 
2. தேங்காய் துருவல் - 2 மேஜைக்கரண்டி 
3. உப்பு - தேவையான அளவு                        

தாளிக்க -

1. நல்லெண்ணெய் - 3 மேஜைக்கரண்டி 
2. கடுகு - 1/2 தேக்கரண்டி 
3. காயத்தூள் - 1/4 தேக்கரண்டி 
4. மிளகாய்வத்தல் - 1
5. கறிவேப்பிலை - சிறிது 

செய்முறை -

1. முதலில் பச்சை வேர்க்கடலையை 2 மணி நேரம் ஊற வைக்கவும்.
2. ஊறிய பிறகு அதனுடன் உப்பு சேர்த்து குக்கரில் வைத்து 2 விசில் வரை வைத்து வேக வைத்து தண்ணீரை வடித்து வைக்கவும்.
3. அடுப்பில் கடாயை வைத்து நல்லெண்ணெய் ஊற்றி சூடானதும் மிளகாய் வத்தல், கடுகு போடவும். 
4. கடுகு வெடித்தவுடன் காயத்தூள், கறிவேப்பிலை, அவித்து வைத்துள்ள வேர்கடலையை சேர்த்து கிளறவும். உப்பு சரி பார்த்து தேவைப்பட்டால் சிறிது சேர்த்துக் கொள்ளவும்.
5. இறுதியில் தேங்காய் துருவலை சேர்த்து கிளறி அடுப்பை அணைக்கவும். சுவையான வேர்க்கடலை சுண்டல் ரெடி.