தண்டுக்கீரை பொரியல் / Thandu Keerai Poriyal

பரிமாறும் அளவு - 2 நபருக்கு

தேவையான பொருள்கள் -

1. தண்டுக்கீரை - 1 கட்டு 
2. தேங்காய் துருவல் - 3 மேஜைக்கரண்டி 
3. வேக வைத்த துவரம் பருப்பு - 2 மேஜைக்கரண்டி 
4. உப்பு - தேவையான அளவு                                                    

தாளிக்க -

1. எண்ணெய் - 3 மேஜைக்கரண்டி 
2. கடுகு - 1/2 தேக்கரண்டி 
3. உளுந்தம் பருப்பு - 1/2 தேக்கரண்டி 
4. பெரிய வெங்காயம் - 1
5. பச்சை மிளகாய் - 1
6. கறிவேப்பிலை - சிறிது                                

செய்முறை -

1. கீரையை நன்றாக கழுவி தண்ணீரை நன்கு வடித்து விட்டு பொடிதாக நறுக்கி வைக்கவும்.
2. வெங்காயத்தை பொடிதாகவும், பச்சை மிளகாயை நீளவாக்கிலும் வெட்டி வைத்துக் கொள்ளவும்.
3. அடுப்பில் கடாயை வைத்து எண்ணெய் ஊற்றி  சூடானதும் கடுகு, உளுந்தம்பருப்பு போட்டு தாளிக்கவும். கடுகு வெடித்தவுடன் கறிவேப்பிலை, பச்சை மிளகாய், வெங்காயம் சேர்த்து வதக்கவும்.                                                                             
4. வெங்காயம் பொன்னிறமானதும் நறுக்கி வைத்துள்ள கீரையுடன் உப்பு சேர்த்து மிதமான சூட்டில் வைத்து கீரை வேகும் வரை நன்றாக கிளறவும். 2 அல்லது 3 நிமிடங்களில் கீரை வெந்துவிடும்.                                                                                       
5. கீரை வெந்ததும் அவித்து வைத்துள்ள பருப்பு,தேங்காய் துருவல் சேர்த்து கிளறி அடுப்பிலிருந்து இறக்கி விடவும்.                                      
6. சுவையான தண்டுக்கீரை பொரியல் ரெடி.