மோர்க் குழம்பு

பரிமாறும் அளவு - 3 நபருக்கு

தேவையானபொருள்கள் -

1. அதிகம் புளிக்காத தயிர் - 2 கப் ( 400 மில்லி )
2. மல்லித்தழை - சிறிது
3. உப்பு - தேவையான அளவு

அரைக்க -

1. தேங்காய் துருவல் - 3 மேஜைக்கரண்டி
2. சின்ன வெங்காயம் - 3
3. பச்சை மிளகாய் - 2
4. சீரகம் - 1 மேஜைகரண்டி
5. பொட்டுக் கடலை - 2 மேஜைக்கரண்டி

தாளிக்க -

1. எண்ணெய் - 2 மேஜைக்கரண்டி
2. கடுகு - 1 தேக்கரண்டி
3. கறிவேப்பிலை - சிறிது

செய்முறை -

1. தயிரை நன்றாக கடைந்து கொள்ளவும். மிகவும் கெட்டியாக இருந்தால் கொஞ்சம் தண்ணீர் சேர்த்து கடைந்து கொள்ளவும். அரைக்க கொடுத்தவற்றை மிக்ஸ்யில் போட்டு அரைத்துக் கொள்ளவும்.
2. அடுப்பில் கடாயை வைத்து எண்ணெய் ஊற்றி சூடானதும் கடுகு போட்டு தாளிக்கவும். கடுகு வெடித்ததும் கறிவேப்பிலை, அரைத்த கலவையைப் போட்டு 1 நிமிடம் கிளறவும்.
3. பிறகு தயிர் மற்றும் உப்பு சேர்த்து ஒரு கொதி வந்ததும் மல்லித் தழையைப் போட்டு கிளறி அடுப்பிலிருந்து இறக்கவும். சுவையான மோர்க்குழம்பு ரெடி.